په جنوبي وزیرستان کې جګړه د دریمې ورځې په مخه روانه ده او پاکستاني عسکر په دریو جبهو کې له طالبانو سره په جګړو کې ښکېل دي.

عسکر وایي چې تراوسه دوی ته لږ تلفات اوښتې دي خو شاوخوا شپیته تنه وسله وال طالبان یې وژلي دي. طالبانو بیا رویټرز اژانس ته ویلي دي چې د دوی تلفات کم دي او عسکر یې ډیر وژلي دي. طالبان همداراز ژمنه کوي چې تر وروستۍ سلګۍ به جنګیږي.

له سیمې رپوټه راغلي دي چې عسکرو چې په لومړي ګام کې کومې سیمې لاندې کړې وې لا هم همهلته دي. دوی د مکین په سیمې کې له سخت مقاومت سره مخامخ شوې دي.

د دې جګړو له امله ویل کیږي چې په لسګونو زره کسان له جنوبي وزیرستانه مهاجر شوې دي. ویل کیږي چې دا شمیر ښایي دوو لکو ته ورسیږي.