لوى اومهربان خداى جل جلا له فرمايي :
 وعاشروهن بالمعروف) [سورة النساء ٤سپاره، ايت ١٩] (په ځانګړي ډول دهغو ښځو سره چې ستاسو مېرمنې دي) حسن سلوک اوښه رويه کوئ .
 په يوبل ځاى کې الله جل جلا له فرمايي : والصاحب بالجنب ) [ سورت نساء پنځمه پاره: ٣٦ايت]
ژباړه : اودهم مجلس (مېړه ) سره هم ښه خوى اونيک سلوک کوي .

نبوي احاديث

 لومړى حديث :
 عن ابى هريره رضى الله تعالى عنه قال : قال رسول الله صلى الله عليه وسلم : اکمل المؤمين ايمانا احسنهم خلقاً،وخيارکم خيارکم لنسائکم . رواه الترمذي. وقال هذا حديث حسن صحيح . [ مشکوة ٣٠٤]
ژباړه : کامل مومنان هغه دي چې دهغوى اخلاق ښۀ اونيک وي، په تاسوکې غوره هغه دي ، چې  خپلومېرمنو ته غوره وي .
دويم حديث :
 عن ابى هريره رضى الله تعالى عنه  قال : قال رسول الله صلى الله عليه وسلم استوصوا بالنساء خيرا ..... ) متفق عليه . [ مشکوة ٣٠٢مخ]
ژباړه : زه تاسوته دمېرمنو په هکله دخيروصيت کوم ؛نوتاسوددې په هکله زما وصيت قبول کړئ.
دريم حديث :
 عن عائشة رضى الله تعالى عنها قالت : قال رسول الله صلى الله عليه وسلم : خيرکم ،خيرکم لاهله  وانااخيرکم لاهلي واذا مات صاحبکم فدعوه .رواه الترمذي والدارمي. [ مشکوة ٣٠٣]
ژباړه : غوره اوبهتر په تاسوکې هغه دى چې له خپلې ميرمنې سره ښه سلوک کوي او زه په تاسوکې ډيرغوره يم له خپلې مېرمنې سره. اوچې کله ستاسوملکرى (ميړه ياميرمن) وفات شي ؛نودعا ورته کوئ .
څلورم حديث :
 عن ابى هريره رضى الله تعالى عنه قال: قال رسول الله صلى الله عليه وسلم لايفرک مؤمن مؤمنة ،ان کره منها خلقا رضى منها اخر. وراه مسلم . [ مشکوة ٣٠٢]
له حضرت ابوهريره رضى الله تعالى عنه نه روايت دى چې رسول الله صلى الله عليه وسلم وفرمايل: هيڅ مؤمن ته له خپلې ميرمنې سره کينه اوبغض نه دى پکار، ځکه چې که کوم يوعادت دده خوښ نه شي ، نوبل عادت به يې خوښ شي.
پنځم حديث :
عن عبدالله بن زمعة رضى الله تعالى عنه قال : قال رسول الله صلى الله عليه وسلم لايجلد احدکم امراة جلدة العبد ثم يجامعها فى اخراليوم. متفق عليه [ مشکوة ٣٠٢]
ژباړه : له حضرت عبدالله بن زمعة رضى الله تعالى عنه نه روايت دى چې رسول الله صلى الله عليه وسلم وفرمايل:  تاسو خپلې مېرمنې  مه وهئ  ، دغلام اومريي په څېر، اوبيا دورځې په اخيرکې يوځاى والى هم ورسره کوئ .
شپږم حديث :
 په احياء العلوم کې دحضرت نبي کريم صلى الله عليه وسلم حديث نقل کړى شوى دى چې : (زماپه امتيانوکې ) کوم کس  دخپلې ميرمنې  په بداخلاقي باندې صبر وکړي ؛الله تعالى  به هغه ته دومره ثواب ورکړي لکه حضرت ايوب عليه السلام ته يې چې  په مرض صبر ورکړى و،   اوکه کومې ميرمنې دخپل ميړه (خاوند)په بدواخلاقو اوغصه باندې  صبروکړ؛نودېته به دومره ثواب ورکړى شي لکه دفرعون ميرمنې  حضرت آسيه عليها السلام ته يې چې ورکړى ؤ. له دينه وروسته حضرت پيغمبرعليه السلام وفرمايل: زه دخپلوميرمنوپه غصه باندې صبرکوم تاسوهم زماپه شان اووسئ.
اووم حديث :
 دحضرت انس رضى الله تعالى عنه په يوروايت کې راغلې دي چې حضرت رسول الله صلى الله عليه وسلم پر ښځواوماشومانو  ډېرزيات مهربان اومشفق ؤ.
اتم حديث :
  رسول الله صلى الله عليه وسلم فرمايي: ماانفق الرجل على اهله فهو صدقة وان الرجل فى نفقة امراته يدرک درجة الغازي. [ بيهقي ]
ژباړه : هغه څه چې ميړه يې په خپله ميرمن باندې خرچ کوي؛هغه صدقه ده. اوهغه سړى چې په خپله ميرمن باندې خرچ کوي ؛هغه به دغازيانودرجه ومومي.
نهم حديث :
په حدېث شريف کې راځې : کوم کس چې خپلې ميرمنې ته يوه دينې مسئله وښيې ؛ نوالله تعالى  به داتلس کلونو عبادت ثواب ،دده په عملنامه کې وليکي.  
لسم حديث :
 د رسول کريم صلى الله عليه وسلم حديث مبارک دى  چې زما دامت په نارينه ؤ کې تر ټولوزيات  غوره  هغه څوک دى چې د خپلې ميرمنې سره داسې رويه کوي لکه مورچې دخپل اولاد سره کوي. دداسې نارينه لپاره هرورځ اوشپه په صبراوشکرتيرولو سره دسلو شهيدانو ثواب ليکل کيږي.

دخاوند اومېرمنې حقوق په لنډ توګه

 دخاوند اومېرمنې دحقوقو په اړه ډيرزيات حديثونه   نبي کريم صلى الله عليه وسلم فرمايلې دي ، دټولوبيانول ناشونې دي؛ خودلته يې مونږ يواځې په پورتنيو شلو مبارکوحديثونو (چې لس دميړه اولس دمېرمنې دحقوقو په اړه دي )  بس والى کوو.
که قرانکريم اوحديثو مبارکو ته ځيرشو ؛نوپه لنډه توګه لاندې لارښوونې  ترې معلوميږي :

 دخاوندحقوق :
 
١- په هرحکم کې دده اطاعت کول، خوپه دې شرط چې دګناه نوې.
٢ – دده له وس نه زياته نفقه اوخوراک ،نه غوښتل .
٣ – دميړه له اجازې پرته دهيچا کورته ، نه تلل .
٤ – دده له اجازې پرته به هيچاته دکورته ننوتو اجازه نه ورکوي.
٥ – دميړه  له اجازې پرته به ،دده مال چاته نه ورکوي.
٦ – دميړه له اجازې پرته به نفلي لمونځ اوروژه نه نيسي.
٧ – که يې دهمبستري لپاره وغواړي ؛نود شرعي عذر(حيض اونفاس اونور...) څخه پرته په نورو وختونو کې  به انکار نه کوي.
٨ – خپل ميړه (خاوند) به دنېستۍ اوبدرنګۍ له امله  حقير نه بولي .
٩ – که دشريعت خلاف کوم کارپه ميړه کې وويني ؛نوپه ډېرادب  به يې منع کوي.
١٠ – ميړه ته به خپل نوم ، نه اخلي.
١١ – دهيچا په مخ کې به دميړه شکايت نه کوي.
١٢ – دهغه په مخکې به ژبان درازي نه کوي .
١٣ – دهغه  له خپلوانوسره به جنګ اوبحث  نه کوي .
١٤ – اوکه مېړه (خاوند) وفات شي ؛نودعا به ورته کوي .

دمېرمني حقوق :

١ – د مېرمنې سره به نيکه رويه کوي .
٢ – دضرر رسولوپروخت  برداشت کول،يعنې که دميرمنې لخوا څۀ تکليف ور رسيږي دهغه به زغم کوي .
٣ – په غيرت کې اعتدال کول ، نه به پر هغې بدګماني کوي اونه به بيخي غفلت ترې کوي  .
٤ – په خرڅ اوخوراک کې به ميانه روي کوي،  نه به تنګسيا پرې راولي اونه به يې فضول خرڅي ته پريږدي .
٥ – دحيض (مياشتنى مرض ) نفاس ( دماشوم له پيداکيدو وروسته مرض ) په احکاموبه يې خبر وي ،د دينداري تاکيدبه ورته کوي اوله ناروا کارونوبه يې په کلکه  منع کوي .
٦ – که له يوې څخه زياتې مېرمنې يې  په نکاح وي؛نوددوى په منځ کې به  برابرى کوي .
٧ – دضرورت په اندازه به يوځاى والى کوي .
٨ – دهغې له اجازې پرته  عزل (يعنې بهر انزال کول ) به نه  کوي .
٩ – دضرورت په اندازه داوسيدلو کور ورکول .
١٠ – دهغې له خپلوانو(پلار،مور،تره،ورور،خور. . . ) سره به نيکه رويه کوي .
١١ – که خداي مه کړه  دوهلواړتيا پيښه  شي، نوپه وهلو کې به زياتى نه کوي  .
١٢ – دخپل مېرمني  دراز خبرې به   چاته نه کوي .
١٣ – که خداي مه کړه  ددوى په منځ کې شخړه پيداشې نو په طلاق کې به تلوار نه کوي.
١٤ – دخاوند په شتون اونه شتون کې به دده دکور ساتنه کوي .